ການນຳຂັ້ນສູງ ສປປ ເກົາຫຼີ ຢ້ຽມຢາມໂຮງງານຜະລິດອາວຸດ
ທ່ານ ຄິມຈອງອຶນ ຜູ້ນຳ ສປປ ເກົາຫຼີ ພ້ອມດ້ວຍຄະນະ
ສຳນັກຂ່າວ KCNA ສປປ ເກົາຫຼີ ໄດ້ລາຍງານໃນ ວັນທີ14 ສິງຫາ 2023 ນີ້ວ່າ: ທ່ານ ຄິມຈອງອຶນ ຜູ້ນຳ ສປປ ເກົາຫຼີ ພ້ອມດ້ວຍຄະນະ ແລະ
ເຈົ້າໜ້າທີ່ລະດັບສູງໄດ້ລົງຊຸກຍູ້ຕິດຕາມໂຮງງານຜະລິດອາວຸດ, ຍຸດໂທປະກອນ, ພາຫະນະ-ເຕັກນິກທີ່ທັນສະໄໝ ແລະ ໄດ້ເພີ່ມປະລິມານການຜະ
ລິດໃຫ້ມີທັງປະລິມານ, ຄຸນນະພາບ, ໃຫ້ທັນສະໄໝຍິງໄດ້ໄກແມ້ນຢຳ ທັງເປົ້າເຄື່ອນທີ່, ຄົງທີ່ທັງນີ້ກໍເພື່ອເປັນການພັດທະນາທາງດ້ານສະມັດຕະພາບ
ຂອງອາວຸດຊະນິດຕ່າງໆ ເອົາໄວ້ປ້ອງກັນຄວາມໝັ້ນຄົງຂອງປະເທດ ເຮັດໃຫ້ວຽກງານການທະຫານມີຄວາມໝັ້ນຄົງເຂັ້ມແຂງຂຶ້ນທຽບທັນກັບສາກົນ.
ທ່ານ ຄິມຈອງອຶນ ຍັງໄດ້ເນັ້ນອີກວ່າ: ຕ້ອງເລັ່ງເພີ່ມການຜະລິດອາວຸດຊະນິດຕ່າງໆທີ່ທັນສະໄໝ ແລະ ສະໜອງຕາມຄວາມຮຽກຮ້ອງຕ້ອງການ
ຂອງກອງທັບ ເພື່ອຍົກສູງລະດັບວຽກງານຄວາມໝັ້ນຄົງ ແລະ ປ້ອງກັນປະເທດຊາດໃຫ້ມີຄວາມສະຫງົບ, ເຮັດໃຫ້ປະຊາຊົນເຊື່ອໝັ້ນໃນການນຳພາ
ຂອງການນຳ ແລະ ການດຳລົງຊີວິດ, ການທຳມາຫາກິນ, ການຄ້າຂາຍ, ການຜະລິດກະສິກຳ, ອຸດສາຫະກຳ, ການກະເສດໃຫ້ພໍໃຊ້ພາຍໃນ ແລະ ສົງ
ອອກຕ່າງປະເທດໜູນຊ່ວຍໃຫ້ປະເທດມີຄວາມກ້າວໜ້າ, ສີວິໄລ.
ແຫຼ່ງທີ່ມາ: ໜັງສືພິມກອງທັບ
ວັນທີ 16/08/2023